DÜNYA


Gürcüstanda çörək və un məmulatlarının qiymətinin bahalaşması gözlənilir

Tbilisi, 12 fevral, AZƏRTAC

Aprel ayından başlayaraq Gürcüstanda çörək və un məmulatlarının qiyməti bahalaşa bilər. Bunun qarşısını almaq üçün təsirli addımlar atılmalıdır.

AZƏRTAC xəbər verir ki, bu barədə Gürcüstan Çörəkbişirənlər Assosiasiyasının sədri Malxaz Dolidze bildirib.

O deyib ki, ölkədə elektrik enerjisinin tarif qiymətləri 11 tetri artıb. Hökumət bu artımın çörəyin qiymətinin bahalaşmasına göstərə biləcəyi təsirin qarşısını almaq üçün qərar qəbul edib. Qərara əsasən, dekabr-mart ayları ərzində ölkədəki çörəkbişirmə müəssisələrinə subsidiya ödənilir. Subsidiyanın həcmi 50 kiloqramlıq kisə üçün unun növündən asılı olaraq 10-15 lari təşkil edir. Lakin çörək istehsalçılarının çoxu hökumətin ayırdığı subsidiyanı ala bilməyib. Bunun əsas səbəbi onların subsidiya almaq üçün qeydiyyat qaydaları barədə düzgün məlumat almamalarıdır.

Assosiasiya sədri deyib ki, çörəkbişirmədə istifadə olunan duz, yağ, maya və digər komponentlərin də qiyməti artıb. Belə davam edərsə, çörək və un məmulatlarının bahalaşması qaçılmazdır.

 

Xətayi Əzizov

AZƏRTAC-ın xüsusi müxbiri

Tbilisi

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.