DÜNYA


Gürcüstanda hamilə qadınlar arasında koronavirusa yoluxma halları 3,5 dəfə artıb

Tbilisi, 8 sentyabr, AZƏRTAC

Gürcüstanda hamilə qadınlar arasında koronavirusa yoluxma halları kəskin artıb. Cari ildə onların sayı 5000 nəfərə çatıb.

AZƏRTAC xəbər verir ki, bu barədə Gürcüstan səhiyyə nazirinin müavini Tamar Qabuniya məlumat verib.

Onun sözlərinə görə, 2020-ci ildə cəmi 1300 hamilə qadın koronavirusa yoluxub. Bu il isə onların sayı təxminən 3,5 dəfə artıb. Onların əksəriyyəti “delta” ştamına yoluxub.

Nazir müavini deyib ki, hamilə qadınların vaksinasiyası istənilən səviyyədə deyil. Onlarla mütəmadi söhbətlər aparılır. Amma bu da istənilən nəticəni vermir. Bu günədək hamilə qadınlar yalnız “Pfizer” vaksini ilə peyvənd olunublar.

Qeyd edək ki, ölkədə hamilə qadınlar və yeni doğulan körpələrin koronavirusdan ölüm hallarına da rast gəlinir.

Bu günədək 4 hamilə qadın, 3 yeni doğulmuş körpə koronavirusdan dünyasını dəyişib.

Xətayi Əzizov

AZƏRTAC-ın xüsusi müxbiri

Tbilisi

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.