CƏMİYYƏT


Gürcüstanda ilk azərbaycanlı qadın deputatın xatirəsi əbədiləşdirilir

Tbilisi, 5 iyun, AZƏRTAC

Gürcüstanda ilk azərbaycanlı qadın deputat Pərixanım Sofiyevanın qəbirüstü abidəsi qoyulacaq.

Gürcüstanın Barış və Vətəndaş Bərabərliyi məsələləri üzrə Dövlət Nazirliyinin Kvemo Kartli bölgəsi üzrə müşaviri Ayaz Məmmədov AZƏRTAC-a bildirib ki, yaxın günlərdə nazirliyin hesabına qoyulan abidənin açılışı olacaq.

A.Məmmədov bildirib ki, nazirlik ümumiyyətlə ölkədə yaşayan milli azlıqların, o cümlədən azərbaycanlıların sosial problemlərinə diqqətlə yanaşır, onların həllinə çalışır.

“Azərbaycanlılar Gürcüstanın ictimai-siyasi həyatında, ölkənin Avropaya inteqrasiyasında mühüm rol oynayırlar. Bu da dövlətin diqqətindən kənarda qalmır. Ona görə də nazirlik bu bölgələrə xüsusi diqqət yetirir”- deyə, Ayaz Məmmədov vurğulayıb.

 

Xətayi Əzizov

AZƏRTAC-ın xüsusi müxbiri

Tbilisi

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.