DÜNYA


Gürcüstanda kafe və restoranların fəaliyyətinə icazə verilir

Tbilisi, 13 fevral, AZƏRTAC

Fevralın 15-dən Gürcüstanda kafe və restoranların fəaliyyətinə icazə verilib. Ölkə ərazisindəki kafe və restoranlar açıq səmada fəaliyyətini davam etdirəcəklər.

AZƏRTAC xəbər verir ki, bu barədə Gürcüstanın iqtisadiyyat və davamlı inkişaf naziri Natia Turnava məlumat verib.

Nazir deyib: “Koronavirusla əlaqədar tətbiq edilən məhdudiyyətlərin mərhələ-mərhələ aradan qaldırılması strategiyası fevralın 15-dən davam edəcək. Həmin gündən kafe və restoran şəbəkələri üçün açıq havada xidmət bərpa olunur. Bütün Gürcüstan ərazisində kafe və restoranlar açıq havada yenidən fəaliyyətə başlayacaq. Lakin komendant saatı məhdudiyyəti onlara da şamil olunacaq. Bundan başqa onlar sadəcə həftəiçi işləyə biləcəklər, şənbə və bazar günləri işləməyəcəklər”.

 

Xətayi Əzizov

AZƏRTAC-ın xüsusi müxbiri

Tbilisi 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.