DÜNYA


Gürcüstanda karantin rejimi qismən yumşaldılır

Tbilisi, 22 yanvar, AZƏRTAC

Gürcüstan hökuməti COVID-19 virusuna qarşı mübarizə tədbirləri çərçivəsində tətbiq olunan xüsusi karantin rejiminin fevralın 1-dən qismən yumşaldılması barədə qərar qəbul edib.

AZƏRTAC xəbər verir ki, qərara əsasən fevralın 1-dən Batumi, Zuqdidi, Qori, Poti və Telavi şəhərlərində ictimai nəqliyyatın fəaliyyəti bərpa olunacaq.

Həmin şəhərlərdə məktəb və ticarət obyektləri də açılacaq.

Fevralın 1-dən Tbilisi, Kutaisi və Rustavi şəhərlərində də mağaza və ticarət mərkəzlərinin fəaliyyətinə icazə veriləcək. Bu şəhərlərdə məktəb və ictimai nəqliyyat işini martın 1-dən etibarən bərpa edəcək.

Fevralın 15-dən etibarən isə bütün şəhərlərdə qapalı və açıq bazarlar fəaliyyətə başlayacaq.

Xətayi Əzizov

AZƏRTAC-ın xüsusi müxbiri

Tbilisi 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.