DÜNYA


Gürcüstanda koronavirusa gündəlik yoluxma sayı 4000-i keçib

Tbilisi, 22 noyabr, AZƏRTAC

Gürcüstanda son sutkada daha 4048 nəfərdə koronavirus infeksiyası aşkarlanıb, 3856 nəfər sağalıb, 49 pasiyent isə vəfat edib.

AZƏRTAC xəbər verir ki, bu barədə Gürcüstan hökumətinin rəsmi “stopgov.ge” saytında bildirilib.

İndiyədək ölkədə COVID-19-a 104 min 732 yoluxma halı təsdiqlənib. Virusa yoluxanların 85 min 639 nəfəri sağalıb, 976-sı isə ölüb.

Hazırda karantin zonalarında 2159, stasionar nəzarətdə 6189 nəfər var. 3449 nəfər isə xüsusi otellərdə tibbi nəzarət altında saxlanılır.

Qeyd edək ki, koronavirus pandemiyasının Gürcüstanda yayıldığı gündən bəri belə yüksək yoluxma və ölüm sayı qeydə alınmayıb.

Xətayi Əzizov

AZERTAC-ın xüsusi müxbiri

Tbilisi 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.