DÜNYA


Gürcüstanda koronavirusun ikinci dalğası başlayıb

Tbilisi, 14 oktyabr, AZƏRTAC 

Gürcüstanda epidemioloji vəziyyət gərginləşib, ikinci dalğa başlayır.

AZƏRTAC xəbər verir ki, bu barədə Gürcüstan Səhiyyə Nazirliyinin Xəstəliklərə Nəzarət və İctimai Sağlamlıq Milli Mərkəzinin rəhbəri, baş epidemioloq Amiran Qamkrelidze məlumat verib.

Onun sözlərinə görə, ikinci dalğa say baxımından daha güclü, ağırlıq baxımından isə nisbətən yüngüldür.

Baş epidemioloq deyib ki, Gürcüstan daxilində yayılma intensiv xarakter alıb. Buna baxmayaraq, ölkədə genişmiqyaslı məhdudlaşdırıcı tədbirlər olmayacaq. Yalnız lokal məhdudiyyətlərin tətbiqi planlaşdırılır.

Bununla belə A.Qamkrelidze vətəndaşlara müraciət edərək koronavirusun yayılmasının qarşısını almaq üçün geniş toplantılardan, o cümlədən toylardan uzaq durmağa çağırıb.

“Xahiş edirəm böyük toplantılardan çəkinin, bir müddət - bir il boyunca toylardan və böyük məclislərdən uzaq durun”,- deyə, baş epidemioloq vurğulayıb.

Xətayi Əzizov

AZƏRTAC-ın xüsusi müxbiri

Tbilisi

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.