DÜNYA


Gürcüstanda mal-qaranın sayı azalıb

Tbilisi, 21 avqust, AZƏRTAC

Gürcüstanda iri və xırdabuynuzlu mal-qaranın sayında azalma müşahidə olunur.

AZƏRTAC xəbər verir ki, bu barədə Gürcüstan Milli Statistika Xidməti məlumat yayıb.

Məlumatda deyilir ki, 2019-cu ilin ikinci rübündə ölkədə iri və xırdabuynuzlu mal-qaranın sayında azalma müşahidə olunub. Hazırda Gürcüstanda 965 min baş iribuynuzlu mal-qara qeydiyyatdadır. Bu, 2018-ci ilin eyni dövrü ilə müqayisədə 1,4 faiz azdır.

Azalma xırdabuynuzlu mal-qaranın sayında da müşahidə olunub. Belə ki, hesabat dövründə ölkədə 1 milyon baş xırdabuynuzlu heyvan var. Bu da keçən ilin eyni dövrü ilə müqayisədə 2,9 faiz azdır.

Bəzi ekspertlərin fikrincə, ölkədə heyvandarlığın zəif inkişaf etməsi, iri və xırdabuynuzlu mal-qaranın sayının azalması iqtisadi problemlərə gətirib çıxaracaq.

Bu cür azalma ölkədə ət və ət məhsullarının qiymətinin artmasına səbəb olacaq.

 

Xətayi Əzizov

AZƏRTAC-ın xüsusi müxbiri

Tbilisi

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.