DÜNYA


Gürcüstanda onkoloji xəstələrin sayı artıb

Tbilisi, 20 iyul, AZƏRTAC

Gürcüstanın Xəstəliklərə Nəzarət və İctimai Sağlamlıq Milli Mərkəzi ölkə üzrə onkoloji xəstəliyin daha geniş yayıldığı bölgələri araşdırıb.

AZƏRTAC xəbər verir ki, araşdırmaların nəticələrinə görə, Tbilisi onkoloji xəstəliyin ən çox yayıldığı ərazi hesab olunub.

Cari ildə Gürcüstan paytaxtında 3720 nəfər bədxassəli şişi olan xəstə qeydə alınıb. Bu da 100 min nəfərə 319,3 fakt deməkdir. Bu, ölkənin regionları üzrə ən böyük göstəricidir.

İkinci yerdə Raça-Lçxumi və Zemo Svaneti regionları dayanır. Bu bölgələrdə əhalinin hər 100 min nəfərindən 303,6-sı bədxassəli şişlərdən əziyyət çəkir.

Siyahıda 262,3 faktla (hər 100 min nəfərə 262,3 fakt) Acarıstan Muxtar Respublikası dayanır.

Ötən il isə Gürcüstanda 9635 nəfər bədxassəli şişdən əziyyət çəkən xəstə qeydə alınıb. Bu da əhalinin hər 100 min nəfərinin 258,5 nəfəri deməkdir.

Xətayi Əzizov

AZƏRTAC-ın xüsusi müxbiri

Tbilisi

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.