DÜNYA


Gürcüstanda prezident iqamətgahı yeni təyinatla fəaliyyət göstərəcək

Tbilisi, 9 aprel, AZƏRTAC

Gürcüstanın paytaxtı Tbilisi şəhərinin mərkəzi Avlabar rayonunda yerləşən və 2004-2009-cu illərdə sabiq prezident Mixeil Saakaşvilinin təşəbbüsü ilə inşa olunan prezident iqamətgahının statusu dəyişdirilib.

AZƏRTAC xəbər verir ki, bu barədə Gürcüstan Prezidentinin mətbuat katibi Xatia Moistsrapişvili məlumat verib. O deyib ki, uzun sürən müzakirələrdən sonra Prezident, hökumət və parlament həmin binanın Dövlət Mərasimləri Sarayı kimi fəaliyyət göstərməsi barədə razılığa gəliblər.

Xatırladaq ki, sabiq dövlət başçısı Giorgi Marqvelaşvili prezident kimi Avlabar iqamətgahında fəaliyyət göstərib.

Lakin yeni Prezident Salome Zurabişvili həmin binada işləməkdən imtina edib.

Qeyd edək ki, bundan əvvəl bəzi deputatlar və hökumət rəsmiləri iqamətgahda Milli Gürcü Mədəniyyəti Muzeyinin yerləşəcəyini bildirmişdilər.

Xətayi Əzizov

AZƏRTAC-ın xüsusi müxbiri

Tbilisi

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.