DÜNYA


Gürcüstanda prezident seçkilərinin ikinci turunda namizədlər üçün baryer olmayacaq

Tbilisi, 29 oktyabr, AZƏRTAC

Gürcüstanda keçirilən prezident seçkilərinin ikinci turunda namizədlər üçün baryer olmayacaq. Qalib adi səs çoxluğu ilə müəyyən ediləcək.

Gürcüstan Mərkəzi Seçki Komissiyasından AZƏRTAC-a bildiriblər ki, ölkə qanunlarına əsasən, ikinci turda hansı namizəd daha çox səs toplayarsa o da prezident seçiləcək. İkinci turda iki namizəd mübarizə apara bilər. Bu turda namizədliyin geri götürülməsi də qanunla qadağan edilib.

Məlumat üçün qeyd edək ki, ikinci tura müstəqil namizəd, hakim “Gürcü Arzusu-Demokratik Gürcüstan” partiyasının da dəstəklədiyi Salome Zurabişvili və “Vahid Milli Hərəkat” partiyasının namizədi Qriqol Vaşadze keçiblər.

Xətayi Əzizov

AZƏRTAC-ın xüsusi müxbiri

Tbilisi

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.