DÜNYA


Gürcüstanda prezidentliyə namizəd ölkədə narkotik festivalı keçirməyi təklif edir

Tbilisi, 12 oktyabr, AZƏRTAC

Gürcüstanda özünəməxsus təklifləri ilə tanınan “Qirçi” partiyasının liderlərindən biri, prezidentliyə namizəd Qeorqi Caparidze ölkədə keçiriləcək prezident seçkilərinə bir həftə qalmış, oktyabrın 20-də narkotik festivalı (festival konopili) keçirməyi planlaşdırır.

AZƏRTAC xəbər verir ki, bununla əlaqədar siyasi partiya bəyanat yayıb. Bəyanatda deyilir ki, festivala azadlıq istəyən bütün vətəndaşlar gəlməlidirlər. Bu aksiya marixuananın becərdilməsi və istifadəsinin leqallaşdırılmasına yönəlib.

Partiyadan həmin gün marixuananın açıq satışının da təşkil olunacağını istisna etməyiblər.

Qeyd edək ki, “Qirçi” partiyası bundan əvvəl də marixuananın və fahişəliyin leqallaşdırılması, Gürcüstanın müstəqil kriptovalyutasını yaratmağı təklif edib. Bu siyasi partiya Gürcüstanda hərbi çağırışdan möhlət almağa çalışan kişilərə kömək etmək üçün “Xristian Yevangelist Protestant Tövrat Azadlığı Kilsəsi” dini təşkilatını rəsmi qeydiyyatdan keçirib.

Xətayi Əzizov

AZƏRTAC-ın xüsusi müxbiri

Tbilisi

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.