DÜNYA


Gürcüstanda taksi və şəxsi avtomobillərdə də siqaret çəkmək qadağan oluna bilər

Tbilisi, 12 iyul, AZƏRTAC

Gürcüstanda taksi və şəxsi avtomobillərdə də siqaret çəkmək qadağan oluna bilər.

AZƏRTAC xəbər verir ki, belə bir təşəbbüslə Gürcüstanın Xəstəliklərə Nəzarət və İctimai Səhiyyə Milli Mərkəzi çıxış edib.

Mərkəzin rəhbəri Amiran Qamkrelidze deyib ki, mütəxəssislərin ciddi etirazına baxmayaraq “Tütün məmulatlarına və siqaretə nəzarət haqqında” 2017-ci ildə qəbul olunmuş qanunda şəxsi avtomobillərdə və taksilərdə də siqaret çəkilməsinə icazə verilir.

Biz hesab edirik ki, uşaq və yeniyetmələr olduğu halda siqaret çəkilməsi qadağan edilməlidir.

Qamkrelidze deyib ki, taksi sürücüsü və ya sərnişin, eləcə də şəxsi avtomobillərdə oturan insanlar siqaret çəkməməlidir. Siqaret çəkilən zaman havaya buraxılan tüstünün tərkibindəki zərərli maddələr insan sağlamlığına, xüsusən də uşaqların sağlamlığına ciddi ziyan vurur.

Tütün əleyhinə qanuna əsasən bu gün Gürcüstanda bütün ictimai yerlərdə siqaret çəkmək qadağandır.

Bununla belə, kazino və oyun avtomatlarının olduğu salonlarda, ali təhsil və səhiyyə müəssisələrində xüsusi avadanlıqla təchiz olunmuş otaqlarda, eləcə də rejissorun təxəyyülünə əsasən vacib olan tamaşalarda aktyorlara siqaret çəkməyə icazə verilir.

Xətayi Əzizov

AZƏRTAC-ın xüsusi müxbiri

Tbilisi

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.