SİYASƏT


Gürcüstanda ümummilli lider Heydər Əliyevin xatirəsi anılıb

Tbilisi, 10 may, AZƏRAC

Azərbaycan xalqının ümummilli lideri Heydər Əliyevin anadan olmasının 96-cı ildönümü Gürcüstanda qeyd olunub.

AZƏRTAC xəbər verir ki, mayın 10-da Azərbaycanın Gürcüstandakı səfiri Dursun Həsənov, səfirliyin əməkdaşları, eləcə də bu ölkədə fəaliyyət göstərən Azərbaycan şirkətlərinin və yerli ictimaiyyətin nümayəndələri Tbilisidəki Heydər Əliyev Parkında Ulu Öndərin abidəsini ziyarət ediblər. Ümummilli Liderin xatirəsi ehtiramla anılıb, abidəsi önünə əklil və gül dəstələri qoyulub.

Tədbirdə Gürcüstanda təlim-məşq toplanışında olan voleybol üzrə Azərbaycanın kişi və qadınlardan ibarət milli komandalarının üzvləri də iştirak ediblər.

Sonra D.Həsənov və səfirliyin əməkdaşları, ictimaiyyət nümayəndələri Rustavi şəhərindəki Heydər Əliyev Parkında Ümummilli Liderin abidəsini ziyarət ediblər.

Xətayi Əzizov

AZƏRTAC-ın xüsusi müxbiri

Tbilisi

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.