DÜNYA


Gürcüstanda uşaqlar məcburi qaydada peyvənd olunacaqlar

Tbilisi, 4 yanvar, AZƏRTAC

Son vaxtlar Gürcüstanda qrip və digər yoluxucu xəstəliklərin artması, xüsusən də uşaqlar arasında bu xəstəliklərin sürətlə yayılması hökuməti daha sərt addımlar atmağa vadar edib.

AZƏRTAC xəbər verir ki, hökumətin qərarına əsasən Gürcüstanda uşaqlar məcburi qaydada peyvənd olunacaqlar. Uşaqların peyvəndləməsinə yanvarın ilk günlərindən başlanılıb.

Qeyd edək ki, bununla əlaqədar qanun 2018-ci ilin payızında qəbul olunsa da, qeyri-müəyyən səbəblərdən icra edilmirdi. Daha əvvəl isə uşaqlar könüllülük prinsipi əsasında, valideynlərin arzusu ilə peyvənd olunurdular.

Bu ildən bütün dövlət məktəblərinə və uşaq bağçalarına uşaqların qəbulu zamanı valideynlər onların peyvənd olunmaları haqqında arayış təqdim etməlidirlər.

Xətayi Əzizov

AZƏRTAC-ın xüsusi müxbiri

Tbilisi

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.