DÜNYA


Gürcüstandan Rusiyaya gedən yeganə avtomobil yolunda hərəkət məhdudlaşdırılıb

Tbilisi, 21 noyabr, AZƏRTAC

Gürcüstandan Rusiyaya gedən yeganə avtomobil yolunda qoşqulu və yarımqoşqulu nəqliyyat vasitələrinin hərəkəti qadağan edilib.

AZƏRTAC xəbər verir ki, bu barədə Gürcüstan Regional İnkişaf və İnfrastruktur Nazirliyinin Avtomobil yolları departamenti məlumat yayıb.

Məlumatda deyilir ki, Gürcüstandan Rusiyaya gedən Mtsxeta-Stepantsminda-Lars magistralının Qudauri-Kobi hissəsində qoşqulu və yarım qoşqulu nəqliyyat vasitələrinin hərəkəti qadağan edilir.

Gürcüstan ərazisinə yağan güclü qar, havanın kəskin soyuması və yolların buz bağlaması səbəbindən gecə saatlarında minik avtomobillərinin də hərəkətinə məhdudiyyətlər qoyulacağı və tam qadağan ediləcəyi gözlənilir.

Sinoptiklərin məlumatına görə, əlverişsiz və kəskin hava şəraiti noyabrın 25-dək davam edəcək. Çaylarda suyun səviyyəsinin qalxacağı gözlənilir, dağlıq və dağətəyi bölgələrdə torpaq sürüşməsi, qar uçqunu təhlükəsi var.

Xətayi Əzizov

AZƏRTAC-ın xüsusi müxbiri

Tbilisi

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.