İQTİSADİYYAT


Gürcüstanın Azərbaycana 6,87 milyon dollar dövlət borcu var

Tbilisi, 11 oktyabr, AZƏRTAC

Gürcüstanın sentyabrın sonuna olan dövlət borcunun həcmi açıqlanıb. Cari il sentyabrın 30-na olan məlumata görə, Gürcüstanın 5 milyard 355,7 milyon dollar xarici dövlət borcu var. Bu da əvvəlki ayla müqayisədə 31,8 milyon dollar azdır.

AZƏRTAC xəbər verir ki, bu barədə Gürcüstanın Maliyyə Nazirliyinin hesabatında deyilir.

Bildirilir ki, qonşu ölkənin Azərbaycana olan dövlət borcu avqust ayı ilə müqayisədə dəyişməyib və sentyabrın 30-na 6,87 milyon dollar təşkil edib.

Məlumat üçün qeyd edək ki, Gürcüstanın ümumi dövlət borcunun 5,15 milyard dolları hökumətin xarici borcudur.

Xətayi Əzizov

AZƏRTAC-ın xüsusi müxbiri

Tbilisi

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.