DÜNYA


Gürcüstanın Baş nazirinin xüsusi nümayəndəsi: Rusiya və Gürcüstan prezidentlərinin görüşü gec-tez günün tələbinə çevriləcək

Tbilisi, 3 oktyabr, AZƏRTAC

Rusiya və Gürcüstan prezidentlərinin görüşü gec-tez günün tələbinə çevriləcək və bu görüş baş tutacaq.

AZƏRTAC xəbər verir ki, bu sözləri Gürcüstanın Baş nazirinin Rusiya Federasiyası ilə münasibətlər üzrə xüsusi nümayəndəsi Zurab Abaşidze söyləyib.

Z.Abaşidze deyib ki, Rusiya və Gürcüstan dövlətlərinin başçılarının görüşünə ciddi hazırlaşmaq, görüşün bütün detallarını diqqətlə hazırlamaq lazımdır.

Rusiya xarici işlər nazirinin müavini Qriqori Karasin də prezidentlərin görüşünün baş tutacağını istisna etməyib. O bildirib ki, rəsmi Moskva dövlət başçılarının görüşü barədə ideyanı dəstəkləyir.

Qeyd edək ki, 2008-ci ildə Rusiya ilə Gürcüstan arasında diplomatik əlaqələr kəsilib. Yalnız 2012-ci ildə iki ölkə arasında münasibətlərin normallaşması üzrə Rusiya xarici işlər nazirinin müavini və Gürcüstan Baş nazirinin xüsusi nümayəndəsi formatı yaranıb. Bu, tərəflər arasında yeganə birbaşa danışıqlar formatıdır. Bu cür görüşlərdə tərəflər Rusiya ilə Gürcüstan arasında əlaqələrin bərpası yollarını müzakirə ediblər. Lakin 10 ildir ki, iki ölkə arasında diplomatik əlaqələrin bərpası istiqamətində bu format hələlik heç bir nəticə verməyib.

Xətayi Əzizov

AZƏRTAC-ın xüsusi müxbiri

Tbilisi

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.