DÜNYA


Gürcüstanın Borjomi dərəsində yanğının qarşısı alınıb

Tbilisi, 16 may, AZƏRTAC

Gürcüstanın kurort bölgəsi olan Borjomidə mayın 15-də başlayan yanğının daha geniş əraziyə yayılmasının qarşısı alınıb.

AZƏRTAC xəbər verir ki, bu barədə Gürcüstan Daxili İşlər Nazirliyinin Fövqəladə Halların İdarə Olunması Xidməti məlumat yayıb.

Məlumatda deyilir ki, yanğının söndürülməsində Tbilisi, Borjomi, Axaltsixe, Aspindza və Adiqeni regionlarından 150-yə yaxın xilasedici-yağınsöndürən və 30 meşəbəyi iştirak edib. Yanğının söndürülməsində sərhəd polisinin bir helikopteri də cəlb olunub. Helikopter və yanğınsöndürənlər mayın 16-da çətin keçilən sıldırımlı, qayalıq yerlərdə alov mənbələrini söndürürlər.

Borjominin Sakire kəndi yaxınlığındakı dərədə baş verən yanğın nəticəsində 4 hektara yaxın ərazi məhv olub.

Xətayi Əzizov

AZƏRTAC-ın xüsusi müxbiri

Tbilisi

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.