DÜNYA


Gürcüstanın Kvemo Kartli bölgəsində süd zavodları tikiləcək

Tbilisi, 8 mart, AZƏRTAC

Gürcüstanda azərbaycanlıların sıx yaşadığı Kvemo Kartli bölgəsində yeni yeyinti sənaye müəssisələri - süd emalı zavodları inşa olunacaq.

AZƏRTAC xəbər verir ki, bu barədə Gürcüstanın ətraf mühitin mühafizəsi və kənd təsərrüfatı naziri Levan Davitaşvili parlamentdə “nazir saatı” bölməsindəki çıxışı zamanı söyləyib.

Nazir deyib ki, tikintisinə bu il başlanılacaq zavodlar Kvemo Kartli bölgəsinin Dmanisi və Tsalka rayonlarında dövlət proqramı çərçivəsində tikiləcək. Yeni zavodlar bölgənin iqtisadi inkişafında və əhalinin işlə təmin olunmasında mühüm rol oynayacaq.

Müəssisələrdə sutkada 10 tona qədər məhsul istehsal edəcəklər. İstehsal olunan məhsullar dövlət proqramının tələblərinə cavab verən kənd təsərrüfatı kooperativlərinə güzəştli qiymətə satılacaq.

Xətayi Əzizov

AZƏRTAC-ın xüsusi müxbiri

Tbilisi

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.