CƏMİYYƏT


Gürcüstanın Qardabani rayonunda Ədliyyə evi inşa olunacaq

Tbilisi, 15 iyul, AZƏRTAC

Gürcüstanda azərbaycanlıların yığcam yaşadıqları Qardabani rayonunda Ədliyyə evi inşa olunacaq.

Qardabani rayonundan majoritar qaydada parlamentin deputatı seçilən Savalan Mirzəyev AZƏRTAC-a açıqlamasında deyib ki, rayonda belə bir hüquqi xidmət mərkəzi yoxdur. Ona görə də soydaşlarımız müxtəlif hüquqi sənədləri əldə etmək üçün Rustavi, Marneuli və ya Tbilisi şəhərlərinə getməli olurlar ki, bu da əlavə çətinliklər yaradır.

“Əhalinin bu problemini həll etmək üçün Ədliyyə Nazirliyi ilə danışıqlar apardıq və Qardabanidə belə bir xidmət mərkəzinin tikintisi barədə razılıq əldə olundu. Yeni Ədliyyə evinin tikintisi ilə əlaqədar bütün sənədlər artıq hazırlanıb. Tikinti işlərinə 2019-cu ilin əvvəlində başlanılacaq. Mərkəz ilin sonunadək əhalinin istifadəsinə veriləcək”, - deyə S.Mirzəyev vurğulayıb.

Xətayi Əzizov

AZƏRTAC-ın xüsusi müxbiri

Tbilisi

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.