DÜNYA


Gürcüstanın Qardabani rayonunda yeni istilik elektrik stansiyası istifadəyə verilib

Tbilisi, 17 yanvar, AZƏRTAC

Gürcüstanda yeni iş yerlərinin, iqtisadi inkişaf üçün effektiv enerji mənbələrinin açılması bizim əsas məqsədimizdir. Bu gün istifadəyə verilən “Qardabani-2” istilik elektrik stansiyası (İES) bu baxımdam mühüm əhəmiyyət kəsb edir.

AZƏRTAC xəbər verir ki, bu sözləri Gürcüstanın Baş Naziri Giorgi Qaxariya yanvarın 17-də azərbaycanlıların yığcam yaşadığı Qardabani rayonunda istifadəyə verilən “Qardabani-2” İES-in açılış mərasimində deyib.

Onun sözlərinə görə, “Qardabani-2” İES-i Gürcüstanın enerji təhlükəsizliyini təmin etməklə yanaşı, idxal olunan elektrik enerjisinin də həcmini əhəmiyyətli dərəcədə azaldacaq. Ölkənin enerji sistemində çox vacib və mühüm rol oynayacaq.

Qeyd edək ki, “Qardabani-2” İES ildə 1,3 milyard kilovat/saat elektrik enerjisi istehsal edəcək ki, bu da Gürcüstanın illik istehlakının 11 faizinə bərabərdir.

Xətayi Əzizov

AZƏRTAC-ın xüsusi müxbiri

Tbilisi

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.