DÜNYA
Gürcüstanın dəmir yolları ilə yükdaşımaların həcmi 7,6 faiz artıb
Tbilisi, 4 avqust, AZƏRTAC
Cari ilin birinci yarısında Gürcüstanın dəmir yolları vasitəsilə yükdaşımaların həcmi 7,6 faiz artaraq 5 milyon 462,4 min ton təşkil edib.
AZƏRTAC xəbər verir ki, bu barədə “Gürcüstan Dəmir Yolları” SC-dən bildirilib.
Qeyd olunub ki, hesabat dövründə tranzit daşımaların həcmi 2019-cu ilin analoji dövrü ilə müqayisədə 19,2 faiz artaraq 2 milyon 953,3 min ton olub. Bu da ümumi yük daşınmalarının 54,1 faizini təşkil edib. Hesabat dövründə idxal üzrə daşımalar 1,2 faiz artaraq 1 milyon 236,6 min ton, ixrac üzrə daşınmalar isə 9,2 faiz azalaraq 543,2 min ton olub.
Yarım ildə Gürcüstan dəmir yolu vasitəsilə neft və neft məhsullarının nəqli 0,4 faiz artaraq 1 milyon 461,1 min ton olub. Bu məhsullar ümumi yük daşınmalarında 26,7 faiz paya sahib olub.
Konteyner daşımaları da 9,1 faiz artaraq 40,295 min TEU təşkil edib.
Xətayi Əzizov
AZƏRTAC-ın xüsusi müxbiri
Tbilisi