CƏMİYYƏT


Gürcüstanın din xadimləri Ulu Öndərin məzarını və Şəhidlər xiyabanını ziyarət ediblər

Tbilisi, 20 may, AZƏRTAC

Azərbaycanın Gürcüstandakı Səfirliyinin təşkilatçılığı və SOCAR-ın Gürcüstan Nümayəndəliyinin dəstəyi ilə Bakıda səfərdə olan Gürcüstanın din xadimlərindən ibarət nümayəndə heyəti mayın 20-də Fəxri xiyaban və Şəhidlər xiyabanını ziyarət ediblər.

Səfirlikdən AZƏRTAC-a bildirilib ki, din xadimləri əvvəlcə müasir müstəqil Azərbaycan dövlətinin memarı və qurucusu, xalqımızın ümummilli lideri Heydər Əliyevin xatirəsini ehtiramla yad edib, abidəsi önünə gül dəstələri qoyublar.

Görkəmli oftalmoloq-alim, akademik Zərifə xanım Əliyevanın da xatirəsi ehtiramla anılıb, məzarı üzərinə tər çiçəklər düzülüb.

Sonra Şəhidlər xiyabanına gələn din xadimləri Azərbaycanın müstəqilliyi və ərazi bütövlüyü uğrunda mübarizədə canlarından keçmiş qəhrəman Vətən övladlarının məzarlarını ziyarət edib, “Əbədi məşəl” abidəsinin önünə gül dəstələri qoyublar.

Nümayəndə heyətinin üzvləri 3-cü Fəxri xiyabanı ziyarət edərək, müstəqilliyimizin bərpası yolunda və Vətən müharibəsi döyüşlərində canlarından keçmiş qəhrəmanların məzarları üzərinə gül dəstələri düzüblər.

Şəhidlərimizin ruhuna dualar oxunub.

Xətayi Əzizov

AZƏRTAC-ın xüsusi müxbiri

Tbilisi 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.