DÜNYA


Gürcüstanın ən iri aviaşirkəti satışa çıxarılıb

Tbilisi, 17 yanvar, AZƏRTAC

“Gürcüstan Hava Yolları” (GHY) şirkəti satışa çıxarılıb.

AZƏRTAC xəbər verir ki, bu barədə şirkətin keçmiş baş direktoru, “Georgia Business Brokerage” broker şirkətinin rəhbəri Roman Bokeriya məlumat verib.

Bildirilib ki, Gürcüstanın ən iri aviaşirkəti olan GHY-nin satış qiyməti 150 milyon ABŞ dolları müəyyən olunub.

Gürcüstan qanunvericiliyinə əsasən, xarici fiziki və yaxud hüquqi şəxs şirkətin səhmlərinin yalnız 49 faizini özəlləşdirə bilər. Gürcüstan hökuməti investorların şirkətə etibarının artırılması məqsədilə səhmlərin kiçik hissəsini ala bilər.

Qeyd edək ki, 1993-cü ildə yaradılmış “Gürcüstan Hava Yolları” şirkəti bu yaxınlarda müflis elan olunub.

Aviaşirkətin 16 min fərdi şəxsə və 70-dən çox şirkətə 176 milyon lari (57,1 milyon ABŞ dolları) məbləğində borcu yığılıb.

Tbilisi Şəhər Məhkəməsinin qərarı ilə “Gürcüstan Hava Yolları” reabilitasiya mərhələsinə keçib.

Xətayi Əzizov

AZƏRTAC-ın xüsusi müxbiri

Tbilisi

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.