DÜNYA


Gürcüstanın interpress.ge informasiya portalı yaşlı nəsil və gözdən əlillər üçün yeni layihə həyata keçirir

Tbilisi, 17 sentyabr, AZƏRTAC

Gürcüstanda geniş oxucu kütləsinə malik interpress.ge informasiya portalı latın əlifbasını oxuya bilməyən yaşlı nəslin nümayəndələri və gözdən əlillər üçün yeni layihə həyata keçirir.

İnterpress.ge portalının baş redaktoru Nahid Qurbanov AZƏRTAC-a bildirib ki, xəbər portalının bu layihəyə başlamasının əsas səbəbi gözdən əlillərin və yaşlı nəslin latın əlifbasında xəbərləri oxuya bilməməsidir.

Yeni layihə xəbər portalındakı "Audio səs" funksiyası ilə bağlıdır.

Onun sözlərinə görə, artıq interpress.ge oxuyucularının rahat informasiya almaları üçün hər gün xəbərlərin 70-80 faizi audioformatda səsləndiriləcək.

Qeyd edək ki, bu gün interpress.ge. oxuculara və dinləyicilərə həm portalda, həm də müxtəlif sosial şəbəkələrdə yüzlərlə məlumat çatdırır.

 

Xətayi Əzizov

AZƏRTAC-ın xüsusi müxbiri

Tbilisi

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.