DÜNYA


Gürcüstanın qərbində baş vermiş qəzada 18 nəfər yaralanıb

Gürcüstanın qərbində baş vermiş qəzada 18 nəfər yaralanıb

Tbilisi, 12 fevral, AZƏRTAC

Gürcüstanın qərbində, beynəlxalq dərəcəli avtomagistralın Xaşuri-Surami hissəsində qəza baş verib. Nəticədə 18 nəfər müxtəlif dərəcəli, ağır bədən xəsarətləri alıb.

AZƏRTAC xəbər verir ki, yaralılardan üçünün vəziyyəti ağırdır.

Bildirilir ki, Zuqduqidən Tbilisiyə gələn avtobus idarəetməni itirərək yolun kənarındakı çökəkliyə düşüb.

Hadisə yerinə təcili-tibbi yardım maşınları gəlib, polis səfərbər olunub.

Hazırda yaralılar Tbilisi və ətraf rayonlardakı xəstəxanalara aparılır.

Qəzanın əsas baş vermə səbəbləri araşdırılır.

Xətayi Əzizov

AZƏRTAC-ın xüsusi müxbiri

Tbilisi

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.