DÜNYA


Gürcüstanın sabiq prezidenti Giorgi Marqvelaşvili pedaqoji fəaliyyətlə məşğul olmağa başlayıb

Tbilisi, 6 fevral, AZƏRTAC

Gürcüstanın sabiq prezidenti Giorgi Marqvelaşvili pedaqoji fəaliyyətlə məşğul olacaq. O, artıq müəllimlik fəaliyyətinə qayıdıb.

AZƏRTAC xəbər verir ki, 49 yaşlı fəlsəfə doktoru G.Marqvelaşvili Gürcüstan İctimai Elmlər İnstitutunda (GİPA) “siyasət” mövzusunda məruzə oxuyacaq. Məqsəd tələbələrə Gürcüstan siyasətinin nəzəri və təcrübi əsasları, siyasi texnologiyalar barədə məlumat vermək, onlarda siyasi fikri formalaşdırmaqdır.

Məlumat üçün qeyd edək ki, GİPA 1994-cü ildə yaradılıb. İnstitut bakalavr və magistratura pillələri üzrə təhsil verir. İnstitutda ictimai əlaqələr, yerli özünüidarəetmə, beynəlxalq münasibətlər və beynəlxalq hüquq, jurnalistika üzrə PhD doktorluq müdafiə sistemi də var.

G.Marqvelaşvili fasilələrlə - 2000-2006-cı və 2010-2012-ci illərdə GİPA-nın rektoru olub. 2013-cü ildə “Gürcü arzusu-demokratik Gürcüstan” partiyasının dəstəyi ilə prezident seçilib. 2018-ci ilin dekabrında Salome Zurabişvili Prezident seçildikdən sonra fəal siyasətdən uzaqlaşıb.

Xətayi Əzizov

AZƏRTAC-ın xüsusi müxbiri

Tbilisi

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.