DÜNYA


Gürcüstanın səhiyyə naziri əhalini qripə qarşı peyvənd olmağa çağırıb

Tbilisi, 23 oktyabr, AZƏRTAC

Gürcüstanın səhiyyə naziri David Sergeyenko əhaliyə müraciət edərək onları qripə qarşı peyvənd olmağa çağırıb. Nazir bildirib ki, oktyabr peyvənd üçün ən əlverişli aydır.

AZƏRTAC xəbər verir ki, Gürcüstanın səhiyyə müəssisələrindən, xəstəxanalardan daxil olan məlumatlara görə, ölkədə hər il minlərlə insan qrip virusuna yoluxur və bundan əziyyət çəkir. Bu xəstəlik epidemiya halını almasa da, qripdən ölüm faktları da qeydə alınır.

Nazirlikdən bildiriblər ki, yaşlı insanlar, hamilə qadınlar, diabet xəstələri, 18 yaşadək uşaq və yeniyetmələr, səhiyyə sistemində çalışanlar, habelə dializ, hepatit C və HİV daşıyıcısı olan xəstələr pulsuz peyvənd olunacaqlar. Əhalinin digər qrupları üçün də bir gün pulsuz peyvənd günü elan ediləcək. Həmçinin regionlarda, xüsusən milli azlıqların yaşadıqları bölgələrdə maarifləndirici tədbirlər keçiriləcək, kimlərin daha böyük risk qrupuna daxil olduğu və peyvəndin vacibliyi barədə məlumat veriləcək.

Xətayi Əzizov

AZƏRTAC-ın xüsusi müxbiri

Tbilisi

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.