DÜNYA


Gürcüstanla Çin iqtisadi-ticarət əlaqələrinin inkişaf perspektivlərini müzakirə edib

Tbilisi, 24 may, AZƏRTAC

Çin Xalq Respublikası Gürcüstanın Avropa ilə Asiya arasında logistik mərkəzə çevrilməklə bağlı təşəbbüsünü dəstəkləyir.

AZƏRTAC Gürcüstan hökumət dəftərxanasına istinadla xəbər verir ki, bu sözləri Tbilisidə səfərdə olan Çinin Xarici İşlər naziri Van Yi Gürcüstan Baş Naziri Mamuka Baxtadze ilə görüşdə deyib.

Görüşdə Gürcüstan ilə Çin arasında iqtisadi-ticarət əlaqələrinin inkişafı, nəqliyyat sahəsində əməkdaşlıq, iki ölkənin azad ticarət zonasının yaradılması ilə bağlı sazişinin əhəmiyyəti diqqət mərkəzində olub.

Söhbət zamanı Gürcüstanın “Bir kəmər, bir yol” layihəsinə cəlbinin əhəmiyyəti qeyd edilib.

M.Baxtadze ölkəsinin Çin ilə əlaqələrinin inkişafından məmnunluğunu və münasibətlərin daha da genişlənməsində maraqlı olduqlarını bildirib.

Çinin Xarici İşlər naziri Gürcüstanın Avropa ilə Asiya arasında nəqliyyat-tranzit və logistik mərkəzə çevrilmək istəyini dəstəkləyib.

Van Yi gürcü həmkarı David Zalkaliani ilə müzakirələr aparıb, həmçinin Gürcüstan Prezidenti Salome Zurabişvili ilə də görüşəcək.

Xətayi Əzizov

AZƏRTAC-ın xüsusi müxbiri

Tbilisi

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.