DÜNYA


Gürcüstanla Tacikistan beynəlxalq avtomobil daşınmaları sahəsində əməkdaşlıq edəcək

Tbilisi, 14 aprel, AZƏRTAC

Gürcüstan ilə Tacikistan ticarət və iqtisadi əməkdaşlığı gücləndirmək məqsədilə "Beynəlxalq avtomobil əlaqələri haqqında” müqavilə imzalayıb.

AZƏRTAC xəbər verir ki, sənədi Gürcüstanın iqtisadiyyat və davamlı inkişaf naziri Natiya Turnava və Tbilisidə səfərdə olan Tacikistanın nəqliyyat naziri Əzim İbrahim imzalayıblar.

Gürcüstanın İqtisadiyyat və Davamlı İnkişaf Nazirliyindən bildirilib ki, iki ölkənin avtomobil daşınmaları və avtomobil əlaqələri sahəsində çoxillik təcrübəsi var. İmzalanan yeni sənəd iqtisadi-ticarət əlaqələrinin inkişafına təkan verəcək.

Qeyd edək ki, Gürcüstan ilə Tacikistan TRACECA, Avropa-Qafqaz-Asiya nəqliyyat dəhlizi çərçivəsində əməkdaşlıq edir. Gürcüstan Tacikistana ərzaq məhsulları, dərman preparatları, meşə sənayesi malları, elektrik avadanlığı və mebel idxal edir.

Xətayi Əzizov

AZƏRTAC-ın xüsusi müxbiri

Tbilisi

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.