İQTİSADİYYAT


HEYDƏR ƏLİYEV ADINA BEYNƏLXALQ HAVA LİMANINA GEDƏN YOL BOYUNCA ELEKTRİK XƏTLƏRİNİN PLANI HAZIRLANMIŞDIR

“Azərenerji” SC-nin mütəxəssisləri Heydər Əliyev adına beynəlxalq hava limanına gedən avtomobil yolu boyunca yüksək gərginlikli elektrik xətlərinin öyrənilməsinə dair fəal iş aparırlar.

SC-nin mətbuat xidmətindən AZƏRTAC-ın müxbirinə bildirmişlər ki, Bakının ümummilli liderimiz Heydər Əliyevin rəhbərliyi ilə ötən əsrin 70-ci illərində hazırlanmış baş planında hava limanına gedən yola xüsusi diqqət yetirilmişdir. Prezident İlham Əliyev bu yol boyunca tikilmiş və ümumi mənzərəni pozan köhnə binaların sökülməsini, habelə lazımsız kommunikasiya xətlərinin götürülməsini tövsiyə etmişdir. “Azərenerji”nin mütəxəssisləri artıq bu rayondakı elektrik xətlərinin vəziyyətini əks etdirən plan hazırlayıb, Bakı Şəhər Dövlət Layihə İnstitutuna təqdim etmişlər. “Azəriqaz” SC-yə, “Barmek” birgə müəssisəsinə və digər kommunal təsərrüfat idarələrinə də bu cür işlər tapşırılmışdır. Bütün bunlardan sonra ərazinin abadlaşdırılması, Moskva prospektinin yenidən qurulmasına dair birgə baş plan hazırlanacaqdır.

“Azərenerji”nin mütəxəssisləri növbəti mərhələdə təqdim etdikləri texniki təkliflərin iqtisadi əsaslandırılmasını hazırlayacaq və onun təsdiqindən sonra əməli işə başlayacaqlar.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.