Naxçıvan Dövlət Universitetində fəaliyyət göstərən “Heydər Əliyev lektoriyası”nın növbəti məşğələsi keçirilmişdir.

Məşğələdə universitetin rektoru, akademik İsa Həbibbəyli 31 Mart – Azərbaycanlıların soyqırımı günü ilə bağlı xalqımızın başına zaman-zaman gətirilən müsibətlərdən söhbət açmış, erməni siyasətinin ifşa edilməsi, Azərbaycan həqiqətlərinin dünya ictimaiyyətinə çatdırılması istiqamətində son illər ərzində həyata keçirilən uğurlu siyasətin konkret nəticələrindən danışmışdır.

Tədbirdə tarix elmləri doktoru hacı Fəxrəddin Səfərli “Heydər Əliyev və milli-mənəvi dəyərlərimiz” mövzusunda geniş məruzə ilə çıxış etmişdir.