RƏSMİ SƏNƏDLƏR
HİNDİSTAN RESPUBLİKASININ PREZİDENTİ ZATİ-ALİLƏRİ CƏNAB KOÇERİL RAMAN NARAYANANA
Hörmətli cənab Prezident,
Hindistan Respublikasının milli bayramı – Respublika günü münasibətilə Sizi və dost Hindistan xalqını səmimi qəlbdən təbrik edirəm.
Azərbaycan ilə Hindistan arasında mövcud dostluq və əməkdaşlıq əlaqələrini yüksək qiymətləndirirəm. Ümidvaram ki, ölkələrimiz arasındakı münasibətlər xalqlarımızın iradəsinə uyğun olaraq daha da inkişaf edəcək və genişlənəcəkdir.
Sizə möhkəm cansağlığı, işlərinizdə uğurlar, ölkənizə sülh və tərəqqi arzulayıram.
Hörmətlə,
Heydər Əliyev
Azərbaycan Respublikasının Prezidenti
Bakı şəhəri, 16 yanvar 2002-ci il