RƏSMİ SƏNƏDLƏR
HİNDİSTAN RESPUBLİKASININ PREZİDENTİ ZATİ-ALİLƏRİ CƏNAB ƏBDÜL KALAMA
Hörmətli cənab Prezident,
Hindistan Respublikasının milli bayramı – Respublika günü münasibətilə Sizi və xalqınızı ürəkdən təbrik edirəm.
Ölkələrimiz arasında münasibətlərə böyük əhəmiyyət verirəm. Əminəm ki, xalqlarımızın qarşılıqlı rəğbətindən doğan Azərbaycan-Hindistan dostluğu daim yaşayacaqdır.
Sizə möhkəm cansağlığı, işlərinizdə uğurlar, dost Hindistan xalqına sülh və firavanlıq arzulayıram.
Hörmətlə,
Heydər Əliyev
Azərbaycan Respublikasının Prezidenti
Bakı şəhəri, 21 yanvar 2003-cü il