SİYASƏT


Haaqada 27 Sentyabr- Anım Günü ilə əlaqədar şəhidlərin ruhuna dualar oxunub

Haaqa, 28 sentyabr, AZƏRTAC

Haaqada Azərbaycan səfirliyində 27 Sentyabr- Anım Günü qeyd edilib.

AZƏRTAC xəbər verir ki, Anım Günü tədbirində səfirliyimizin əməkdaşları, eləcə də Niderlandda yaşayan soydaşlarımız iştirak ediblər.

Anım Günü tədbiri Azərbaycan Dövlət Himninin səsləndirilməsi ilə başlayıb. Sonra tədbir iştirakçıları Azərbaycan torpaqlarının azadlığı uğrunda canını fəda etmiş şəhidlərimizin əziz xatirəsini bir dəqiqəlik sükutla yad ediblər.

Anım Günü ilə bağlı hazırlanmış film nümayiş olunduqdan sonra səfir F. Axundov 44 günlük Vətən müharibəsindən, Müzəffər Ali Baş Komandan İlham Əliyevin rəhbərliyi ilə rəşadətli Ordumuzun sayəsində torpaqlarımızın azad edilməsindən, Ermənistanın Azərbaycan dövlət sərhədində törətdiyi son hərbi təxribatdan danışıb.

Niderland Krallığındakı Azərbaycan diasporasının nümayəndələri çıxış edərək, Vətən müharibəsində oğullarımızın rəşadətindən söz açıblar.

Qeyd edək ki, bu gün Haaqa məscidində Azərbaycan şəhidlərinin ruhuna dualar oxunub, məscidi ziyarət edənlərə ehsan paylanıb.

Şəhla Ağalarova

AZƏRTAC-ın xüsusi müxbiri

Haaqa

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.