QAN YADDAŞI


Haaqada Azərbaycan-Türk Mədəniyyət dərnəyinin üzvləri Qanlı Yanvar şəhidlərinin xatirəsini yad ediblər

Paris, 21 yanvar, AZƏRTAC

Niderland Krallığında fəaliyyət göstərən Azərbaycan-Türk Mədəniyyət dərnəyinin üzvləri də Qanlı Yanvar faciəsinin qurbanlarının xatirəsini ehtiramla yad ediblər.

Haaqa şəhərində dərnəyin qərargahında keçirilən anım tədbirində 1990-cı il yanvarın 19-dan 20-nə keçən gecə ölkəmizin müstəqilliyi və suverenliyi uğrunda canlarından keçmiş şəhidlərimizin xatirəsi bir dəqiqəlik sükutla yad edilib.

Dərnəyin üzvü İmam Əfəndiyev 20 Yanvar hadisələri haqqında geniş məlumat verərək, şəhərə daxil olmuş, dinc əhalini atəşə tutmuş keçmiş sovet əsgərlərinin azadlıq uğrunda ayağa qalxmış insanların əzmini sındıra bilmədiyini bildirib.

20 Yanvar tarixinin xalqımızın azadlığı və milli iradəsinin rəmzinə çevrildiyi diqqətə çatdırılıb.

Tədbirin sonunda şəhidlərimizin ruhuna dualar oxunub, ehsan süfrəsi açılıb.

Şəhla Ağalarova

AZƏRTAC-ın xüsusi müxbiri

Paris

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.