CƏMİYYƏT


Hacıqabulda polis koronavirus pandemiyası ilə əlaqədar profilaktiki tədbirləri davam etdirir

Bakı, 22 may, AZƏRTAC 

Hacıqabul Rayon Polis Şöbəsinin əməkdaşları koronavirus pandemiyasının əhatə dairəsinin genişlənməsinin qarşısının alınması istiqamətində tədbirləri mütəmadi olaraq davam etdirirlər.

Daxili İşlər Nazirliyinin mətbuat xidmətinin Bərdə regional qrupundan AZƏRTAC-a verilən məlumata görə, bu məqsədlə rayon ərazisində maska taxmayan şəxslərlə maarifləndirici səpkidə söhbətlər aparılıb, elan olunmuş sanitar rejimin qaydaları izah edilib. Xüsusi olaraq insanların sıx toplaşdıqları ərazilərdə nəzarət gücləndirilib, sosial məsafənin qorunmasının hər bir kəsin sağlamlığı üçün mühüm əhəmiyyət kəsb etdiyi vətəndaşların diqqətinə çatdırılıb. Eləcə də polis əməkdaşları tərəfindən sakinlərə tibbi maskalar paylanılıb.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.