CƏMİYYƏT


Hakan Bozkurt: Azərbaycanlı qardaşlarımızın yanımızda olması yerli əhalinin yanğınla mübarizədə nikbinliyini artırır

Muğla, 5 avqust, AZƏRTAC

Türkiyədəki yanğınlar böyük fəlakətdir. Muğla vilayətinin Kavacık rayonu ərazisindəki meşə yanğınları şiddətlənib. Böyük ərazi və bir neçə kənd təhlükə ilə üz-üzədir. Ərazidə təxliyə işləri apardıq. Burada Azərbaycan yanğınsöndürənlərini və media təmsilçilərini görməkdən çox məmnun olduq. Azərbaycanlı qardaşlarımızın burada olması yerli əhalinin fəlakətə qarşı mübarizədə nikbinliyini daha da artırır.

Bu fikirləri AZƏRTAC-ın bölgədəki xüsusi müxbirinə açıqlamasında Humanitar Yadım Vəqfinin axtarış-xilasetmə qrupunun rəhbəri Hakan Bozkurt ifadə edib.

Ərazidə görülən tədbirlərdən danışan Hakan Bozkurt deyib: “Alovun və tüstünün insanlara, eləcə də canlı aləmə fərqli təsiri var. Əminik ki, bu böhranın qarşısını tezliklə ala biləcəyik. Azərbaycanlı yanğınsöndürənlərin fədakarlığı xalqımıza və dövlətimizə böyük köməkdir”.

Sabir Şahtaxtı

AZƏRTAC-ın xüsusi müxbiri

Muğla

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.