DÜNYA


Hakerlər Avropa İttifaqında daxili yazışmaları illər boyu izləyiblər

Berlin, 8 yanvar, AZƏRTAC

“Area 1” kibertəhlükəsizlik agentliyinin verdiyi məlumata görə, hakerlər Avropa İttifaqında (Aİ) daxili yazışmaları uzun illər boyu izləyiblər.

AZƏRTAC xəbər verir ki, ələ keçirilmiş diplomatik yazışmalarda Tramp, İran və “Qazprom”un boru kəmərləri layihələri ilə bağlı narahatlıqlar öz əksini tapıb. Ehtimala görə, hakerlər Aİ-nin məlumat bazasına Kiprin elektron şəbəkəsi vasitəsilə müdaxilə ediblər. Agentlikdə belə hesab edirlər ki, bu əməliyyatda Çin hərbçilərinin dəst-xətti görünür, lakin bu şübhələrin nəyə əsaslanması acıqlanmır.

Avropa Komissiyasının vitse-prezidenti Valdis Dombrovskis deyib: “Əlbəttə, biz Aİ-nin rabitə sistemlərinin hakerlər tərəfindən dağıldılması barədə ehtimal olunan məlumatlara ciddi yanaşırıq, lakin məlumat sızmasını şərh edə bilmərik. Hələlik yalnız bu məlumdur ki, Avropa İttifaqının üzvü olan heç bir ölkə bu cür hücumlardan sığortalanmayıb. Bütün telekommunikasiya sistemlərinin zəif yerləri var. Biz belə təhdidlərə cavab vermək üçün öz rabitə sistemlərimizi daim modernləşdirmək yolu ilə bu problemi həll edirik”.

Vüqar Seyidov

AZƏRTAC-ın xüsusi müxbiri

Berlin

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.