CƏMİYYƏT


Havay sahillərində nəhəng yeraltı şirin su rezervuarı tapılıb

Bakı, 29 noyabr, AZƏRTAC

Uzun müddətdir ki, sulu təbəqələrdəki şirin suyun miqdarının adalardakı yağıntıların miqdarı ilə uyğun olmamasının səbəbi məlum deyildi.

AZƏRTAC “nat-geo.ru” saytına istinadla xəbər verir ki, elm adamları adanın dərinliklərindəki nəhəng şirin su ehtiyatlarının Xualalai vulkanı ətrafından aşağı, okeanın dibinin dərinliklərinə gedib çıxan, bu yaxınlarda aşkarlanmış rezervuarlara axdığını müəyyənləşdiriblər. Bu kəşf iqlim dəyişikliyi fonunda dünyanın vulkanik adaları üçün böyük əhəmiyyətə malikdir.

“Biz ümid edirik ki, kəşfimiz gələcək hidroloji modelləri yaxşılaşdıracaq və bunun nəticəsi olaraq, vulkan adalarındakı təmiz şirin suyu əlçatan edəcək”, - deyə Havay Universitetindən olan geofizik Erik Attias bildirib.

Havay adalarındakı şirin suyun böyük bir hissəsi susaxlayan təbəqələrdən, su keçirməyən süxurların qatlarından və ya çöküntülərdən çıxarılır. Yağış yağdıqda, torpağın üst qatından və altdakı vulkanik qayalardan süzülərək, sonda susaxlayan rezervuarlara çatır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.