DÜNYA


“Hayabusa-2” kosmik zondu içərisində süxur nümunələri olan kapsulu Yerə göndərməyə hazırlaşır

Tokio, 26 noyabr, AZƏRTAC

Yaponiyanın “Hayabusa-2” kosmik zondu içərisində süxur nümunələri olan kapsulu gələn ay Yerə göndərmək məqsədilə orbiti korrektə etmək üçün mühərrikin işə salınmasını başa çatdırıb.

AZƏRTAC xəbər verir ki, bu barədə Yaponiya Aerokosmik Məkanın Tədqiqi Agentliyi (JAXA) məlumat yayıb.

Xatırladaq ki, kosmik zond JAXA tərəfindən 2014-cü ildə kosmosa buraxılıb. Hazırda zond Yerdən 3,5 milyon kilometr məsafədə yerləşir və saniyədə 4 kilometr sürəti ilə hərəkət edir.

Kapsulun dekabrın 5-də Yerə doğru buraxılması planlaşdırılır. Onun dekabrın 6-da Avstraliyadakı səhraya düşəcəyi və sonra təyyarə ilə Yaponiyaya gətiriləcəyi bildirilir.

Qeyd edək ki, həmin kapsulun içərisində iki dəfə Ryuqu asteroidinə eniş zamanı götürülən süxur nümunələri var. Bu nümunələrin mütəxəssislər arasında paylanacağı və aparılan tədqiqatlar nəticəsində Yerdə həyatın mümkün mənşəyinin araşdırılacağı gözlənilir.

Vüqar Ağayev

AZƏRTAC-ın xüsusi müxbiri

Tokio

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.