İDMAN


Həbib Nurmaqomedov Dastin Porye ilə mübarizəyə hazırlığın sonuncu mərhələsinə başlayıb

Bakı, 23 avqust, AZƏRTAC

Mütləq Döyüş Çempionatının (UFC) yüngül çəkidə qalibi Həbib Nurmaqomedov amerikalı Dastin Porye ilə mübarizəyə hazırlığın sonuncu mərhələsinə başlayıb.

AZƏRTAC TASS agentliyinə istinadla xəbər verir ki, Nurmaqomedov-Porye qarşılaşması sentyabrın 7-də Əbu-Dabidə keçiriləcək.

Rusiyalı döyüşçü çempionluq kəmərini 2018-ci ilin aprelində amerikalı El Yakuinta ilə dueldə qazanıb. Həmin il oktyabrın 7-də isə irlandiyalı Konor Makqreqoru məğlub edərək çempionluq kəmərini qoruyub. Rusiyalı döyüşçü qarışıq döyüş növləri üzrə keçirdiyi 27 qarşılaşmanın hamısında qalib gəlib.

İndiyədək 29 döyüş keçirən 30 yaşlı Dastin Porye 24 qarşılaşmada qalib gəlib, beşində isə məğlub olub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.