DÜNYA


Həddindən artıq quraqlıq Meksikanı pivə istehsalını azaltmağa məcbur edib

Madrid, 10 avqust, AZƏRTAC

Meksika Prezidenti Andres Manuel Lopez Obrador bu il onilliklər ərzində görülməyən şiddətli quraqlıqdan əziyyət çəkən ölkənin şimalında pivə istehsalını azaltmaq planlarını açıqlayıb.

AZƏRTAC xəbər verir ki, Meksikanın dövlət başçısının sözlərinə görə, Hollandiyanın Heineken və Belçika-Braziliya AB InBev qrupunun fabriklərinin yerləşdiyi Meksika dünyanın ən böyük pivə istehsalçısıdır.

BMT-nin məlumatına görə, Meksika 2021-ci ildə 5,015 milyard dollarlıq satışla dünyanın ən böyük pivə ixracatçısı olub, ikinci yeri 2,16 milyard dollarla Hollandiya tutur.

Meksikanın bir neçə bölgəsi həddindən artıq quraqlıq səbəbindən su qıtlığından əziyyət çəkir və bu vəziyyət hakimiyyəti su norması tətbiq etməyə məcbur edir. Ölkənin şimalındakı ən böyük Monterrey şəhəri 15 aylıq yağış və zəif su idarəçiliyi səbəbindən quraqlıqla üzləşib.

Nigar Cəfərli

AZƏRTAC-ın xüsusi müxbiri

Madrid

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.