SİYASƏT
Həmyerlimiz, Ukraynanın xalq deputatı Oleq Babayev Kremençukun meri seçilmişdir
Kiyev, 2 noyabr (AZƏRTAC). Xəbər verildiyi kimi, oktyabrın 31-də Ukraynada yerli özünüidarə orqanlarına seçkilər keçirilmişdir. Seçkilərdə namizəd kimi həmyerlilərimiz də iştirak etmişlər. Həmyerlimiz – Ukraynanın xalq deputatı, “Vorskla” (Poltava) futbol klubunun prezidenti Oleq Meydan oğlu Babayev Kremençukun meri seçilmişdir.
Kremençukun meri Nikolay Qluxov Oleq Babayevi yerli özünüidarə orqanlarına seçkilərdə qələbə qazanması münasibətilə təbrik etmiş, ona Kremençuk meri vəzifəsində nailiyyətlər arzulamışdır.
Zeynal Ağazadə
AZƏRTAC-ın xüsusi müxbiri
Kiyev