SİYASƏT


Hərbi tibb fakültəsində təlim-metodiki toplantı keçirilib

Bakı, 12 iyul, AZƏRTAC 

İyulun 12-də hərbi tibb fakültəsində Müdafiə Nazirliyi Tibb Baş İdarəsinin zabitləri, hərbi hissə və müəssisələrin komandir-rəis heyəti, birliklərin tibb xidməti rəislərinin iştirakı ilə 2018-ci tədris ilinin birinci dövrünün yekunlarına həsr olunmuş təlim-metodiki toplantı keçirilib.

Müdafiə Nazirliyinin mətbuat xidmətindən AZƏRTAC-a bildiriblər ki, tədbirdə ümummilli lider Heydər Əliyevin, Azərbaycanın ərazi bütövlüyü və müstəqilliyi uğrunda şəhid olan Vətən övladlarının xatirəsi bir dəqiqəlik sükutla yad edilib, Azərbaycan Respublikasının dövlət himni səsləndirilib.

Tibb Baş İdarəsinin, rəisi general-mayor Natiq Əliyev 2018-ci ilin hazırlıq planında qış tədris dövrü üçün şəxsi heyətin tibbi təminatına aid nəzərdə tutulmuş tapşırıqların bütövlükdə yerinə yetirildiyini, tibbi hərbi hissə və müəssisələrin müasir diaqnostik cihazlarla komplektləşdirilərək xəstələrin tam müayinə olunmasına imkan yaratdığını vurğulayıb, bir sıra digər məsələləri diqqətə çatdırıb.

Sonra 2018-ci tədris ilinin birinci dövründə müalicə-profilaktika işinin vəziyyəti, bu sahədə görülən işlər və həyata keçirilən profilaktiki tədbirlərin nəticələri barədə məruzələr dinlənilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.