REGİONLAR


Həyata göz açan hər körpə dünyaya ümid, sevinc və sevgi gətirir

Azərbaycanda əhalinin sayının 10 milyona çatması Qəbələdə böyük sevinclə qarşılanıb

Qəbələ, 9 aprel, Mustafa Dadaşov, AZƏRTAC

Azərbaycanın 10 milyonuncu sakininin dünyaya gəlməsi Qəbələ rayonunda da böyük sevinc hissi ilə qarşılanıb. Qəbələlilər bu əlamətdar hadisəni bayram əhval-ruhiyyəsi ilə qeyd ediblər.

AZƏRTAC-ın bölgə müxbiri xəbər verir ki, Qəbələ Rayon Mədəniyyət Mərkəzində təşkil olunan bayram tədbirində Azərbaycanda aparılan sosial-iqtisadi siyasət nəticəsində ölkədə dayanıqlı inkişafın təmin edildiyi, müsbət demoqrafik şəraitin bərqərar olduğu bildirilib.

Tədbir iştirakçılarına təqdim olunan ədəbi-bədii kompozisiyada səsləndirilib ki, həyata göz açan hər körpə dünyaya ümid, sevinc və sevgi, torpağa basdırılan hər fidan isə təbiətə yeni təravət və gözəllik gətirir. Süd qoxulu körpələr dünyamızın, həyatımızın, ana torpağa basdırılan ağac tingləri isə təbiətin davamı və sabahıdır.

Bayram tədbiri konsert proqramı və fləşmobla davam edib. Tədbir iştirakçıları rayonun incəsənət ustalarının və məktəblilərin ifasında şən mahnılar dinləyib, bir-birindən maraqlı rəqsləri izləyiblər.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.