REGİONLAR


Heydər Əliyev Fondu Lənkəranda iftar süfrəsi açıb

Lənkəran, 2 iyun, Bağır Əliyev, AZƏRTAC

Lənkəran rayonunda Heydər Əliyev Fondu tərəfindən Ramazan bayramı ilə əlaqədar iftar sürfəsi açılıb.

AZƏRTAC-ın bölgə müxbiri xəbər verir ki, iftar süfrəsində rayonda yaşayan şəhid ailələrinin üzvləri, əlillər, müharibə veteranları, dindarlar və din xadimləri, ümumilikdə 350 nəfər iştirak edib.

Mərasimdə xeyriyyəçilik aksiyalarının keçirilməsində və sosial qayğıya ehtiyacı olan insanlara köməkliyin göstərilməsində Heydər Əliyev Fondunun prezidenti, Birinci vitse-prezident Mehriban Əliyevanın həyata keçirdiyi layihələr yüksək dəyərləndirilib.

İftar süfrəsində Ramazan ayının fəzilətləri barədə söhbət açılıb, bu ayın insanlar arasında birlik, bərabərlik və həmrəyliyin tərənnümçüsü olduğu qeyd olunub. Həmçinin ölkəmizə əmin-amanlıq və sülh arzulanıb, ulu öndər Heydər Əliyevin, ölkəmizin suverenliyi və ərazi bütövlüyü uğrunda şəhid olanların ruhuna dualar oxunub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.