MƏDƏNİYYƏT


Heydər Əliyev Sarayı bayram tətili günlərində uşaqları “Xonçalı Novruz gəlir” əyləncəli nağıl tamaşa ilə sevindirəcək

Bakı, 22 fevral, AZƏRTAC

Heydər Əliyev Sarayı bayram tətili günlərində uşaqları “Xonçalı Novruz gəlir” - Kosa və Keçəlin sərgüzəştləri adlı maraqlı, musiqili və əyləncəli nağıl tamaşa ilə sevindirəcək.

AZƏRTAC xəbər verir ki, martın 21-də Novruz bayramı münasibətilə sarayın səhnəsində möhtəşəm bayram konserti keçiriləcək.

Hər il olduğu kimi Novruzun sevilən personajları “Kosa” və “Keçəl” şənliyin əsas simaları olacaqlar. Sevimli qəhrəmanlar uşaqlara Novruz bayramı, baharın gəlişi, Novruz çərşənbələri və digər adət-ənənələr barədə məlumat verəcək, müxtəlif oyunlar nümayiş etdirəcəklər.

Bundan başqa, uşaqlar Keçəl və Kosanın məzəli deyişmələrindən ibarət səhnəcikləri, rəqs kollektivlərinin ifasında milli və müasir rəqsləri izləyə biləcəklər.

Konsertin biletlərini Heydər Əliyev Sarayının kassasından, şəhərin kassalarından, www.iticket.az saytından, “ASAN xidmət” mərkəzlərindən, “Gənclik” və “28 Mall” ticarət mərkəzlərindəki kassalardan əldə etmək mümkündür.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.