MƏDƏNİYYƏT


Heydər Əliyev adına Azərbaycan Mədəniyyət Mərkəzi özbək yazıçıya həsr edilmiş tədbirdə təmsil olunub

Daşkənd, 24 yanvar, АZƏRTAC

Daşkənddəki Yüngül Sənaye və Toxuculuq İnstitutunda məşhur özbək yazıçısı Aybekin yaradıcılığına həsr olunmuş “Aybek filosof və ədəbiyyatçı kimi” adlı anım tədbiri keçirilib.

AZƏRTAC xəbər verir ki, tədbirdə Özbəkistandakı Heydər Əliyev adına Azərbaycan Mədəniyyət Mərkəzi (AMM) də təmsil olunub.

İnstitutun müəllimi Şahnoza Nurbekova tədbiri açaraq Aybekin həyat və yaradıcılığı haqqında məlumat verib, böyük yazıçının özbək ədəbiyyatındakı yerindən və mövqeyindən danışıb.

Azərbaycan Mədəniyyət Mərkəzinin direktor müavini Polad Zeynalov qədim zamanlardan özbək şairlərinin və yazıçılarının azərbaycanlı həmkarları ilə dostluğundan söz açıb, Mədəniyyət Mərkəzinin mədəniyyət və ədəbiyyat sahələrində həyata keçirdiyi layihələrdən danışıb.

Bildirilib ki, dahi Azərbaycan şairi Nizami Gəncəvinin “Xəmsə”sindən sonra böyük özbək şairi Əlişir Nəvai türk dilində “Xəmsə” yaradıb və dünya ədəbiyyatına türk dilində “Xəmsə” yaradan şair kimi düşüb. Qeyd olunub ki, Mədəniyyət Mərkəzinin təşəbbüsü ilə işıq üzü görən “Özbək poeziyası çələngi” kitabında Aybekin şeirləri də yer alıb.

Mərkəzin əməkdaşı Kifayət Pirməmmədova Aybekin şeirlərini Azərbaycan dilində səsləndirib.

Tədbirdə tələbələrin təqdimatında Qarabağın milli kişi və qadın geyimləri nümayiş olunub, mərkəzin “Azərbaycan qızları” rəqs ansamblının üzvləri milli rəqslərimizi ifa ediblər.

Qulu Kəngərli

AZƏRTAC-ın xüsusi müxbiri

Daşkənd

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.